நடிகர் முரளி நடித்த படங்களில் ‘இதயம்’ மிக முக்கியமான படம். கதிர் இயக்கத்தில் முரளி, ஹீரா நடிப்பில், இளையராஜா இசையில், 1991ம் ஆண்டு வெளியாகி,’பெரிய வெற்றி பெற்றது. ஒன் சைட் லைவ் சப்ஜெக்ட்டில் வந்த அந்த கதையும், காட்சிகளும் இன்றும் பேசப்படுகிறது.
இப்போது ‘இதயம் முரளி’ என்ற பெயரில் ஒரு படம் தயாராகிறது. அதில் ஹீரோவாக நடிப்பவர் முரளியின் மூத்த மகன் அதர்வா. ஆகாஷ் பாஸ்கரன் இயக்குகிறார். பிரீத்தி முகுந்தன், பிரக்யா ஹீரோயின்கள்.
சென்னை தனியார் கல்லுாரியில் நடந்த பட அறிவிப்பு விழாவில் அதர்வா பேசியது. ‘‘நானும் இதே கல்லுாரிக்கு அருகே உள்ள கல்லுாரியில்தான் படித்தேன். மாணவர்களின் உணர்வுகள், உற்சாகத்தை புரிந்துகொள்ள முடிகிறது. அனைவருக்கும் ஹாப்பி காதலர் தினம். இங்கே எத்தனைபேர் லவ் பண்ணுறீங்க. எத்தனைபேர் ஒன் சைடு லவ் பண்ணுறீங்கனு தெரியலை. டபுள் சைட் லைவ்வை விட, ஒன் சைடு லவ்வில்தான் சந்தோசம், ஏமாற்றம், வலி என நிறைய இருக்கிறது.
அதை மறக்கவே முடியாது. இந்த படத்தலைப்பு இதயம் முரளி. உண்மையில் என் அப்பாவுக்காக இந்த தலைப்பு வைக்கலை. இந்த படத்தின் கதை அப்படி. எனக்குள்ளேயும் ஒரு இதயம் முரளி இருக்கான். பலர் மனதில் இதயம் முரளி இருக்காங்க. நம் ஊரில் ஒன் சைடு லவ்வுக்கான அங்கீகாரம் இதயம்தான். இந்த படம் பண்ணியதில் எனக்கு சந்தோஷம். நீங்க ஏன் லவ் படம் அதிகம் பண்ணுறதில்லைனு பலர் கேட்கிறார்கள். அவர்களுக்காக இந்த படம் பண்ணுறேன்.
எனக்கான படங்களை பொறுமையாக பண்ணுறேன். சினிமா என்பது வேறு. அது என்ன பேக்கரியா? உடனுக்குடன் நிறைய பண்ண? என் அப்பா பெயரில் உள்ள ஒரு படத்தில் நடிப்பது எனக்கு பெருமை. ஏகப்பட்ட இதயம் முரளி நிஜத்தில் இருக்காங்க. கல்லுாரி வாழ்க்கை, பள்ளி வாழ்க்கை என பல இடங்களில் காதல் வரும். அதற்கு நேரம் கிடையாது. 2017ல் இந்த கதையை இயக்குனர் சொன்னார். சில காரணங்களால் அந்த படம் டேக் ஆப் ஆகலை. இப்ப, இயக்குனர் ஆகாஷ் பாஸ்கரன் தயாரிப்பாளர் ஆகி, தனுஷ் நடிக்கும் இட்லி கடை, சிவகார்த்திகேயன் நடிக்கும் பராசக்தி, சிம்புவின் 49வது படத்தை தயாரிக்கிறார். இந்த படத்தை இயக்கி, தயாரிக்கிறார்.
கல்லுாரியில் படிக்கும் இந்த கால கட்டம் வாழ்க்கையில் மறக்க முடியாதது. அவ்வளவு சந்தோஷமாக இருக்கும். இப்போதுள்ள நண்பன், உங்க கடைசிவரை இருப்பான். இப்ப உள்ள காதல் என்பது கல்யாணத்தில் முடியலாம். ஒன் சைடு லவ் ஆக மாறலாம். எது எப்படியோ வாழ்க்கையை சந்தோஷமாக அனுபவங்க’’ என்றார்
