குக்கூ, ஜோக்கர், ஜிப்ஸி படங்களை தொடர்ந்து ராஜூமுருகன் இயக்கும் படம் ‘மை லார்ட்’. சுப்ரமணியபுரம் சசிகுமார், சைத்ரா நடித்துள்ளனர். சமீபத்தில் இந்த படத்தின் பர்ஸ்ட் லுக்கை ஆர்யா, இயக்குனர் அனுராக் காஷ்யப் உட்பட பலர் வெளியிட்டனர். அதில் ஹீரோ சசிகுமாரும், ஹீரோயினும் தம் அடிப்பது போன்ற லுக் இருந்தது. வழக்கம்போல் அந்த பர்ஸ்ட் லுக்கிற்கு ஆதரவு மட்டுமல்ல, எதிர்ப்பும் கிளம்பியுள்ளது.
தேசியவிருது பெற்ற, தரமான படங்களை இயக்கிய ராஜூமுருகன் படத்தின் பர்ஸ்ட் லுக் இப்படி அமையலாமா? ராஜூமுருகன் என்ன சொல்ல வருகிறார் என்று பலர் பொங்கியுள்ளனர். ஆனால், இன்னொரு தரப்போ, ‘பர்ஸ்ட் லுக் வைத்து ஒரு படத்தின் கதையை முடிவு செய்ய முடியாது.
படத்தை பரபரப்பாக இப்படி வேண்டுமென்றே டிசைன் செய்து இருக்கலாம் அல்லது படத்தில் அப்படிப்பட்ட காட்சிகள் தேவைப்படலாம். ஹீரோ சசிகுமார், இயக்குனர் இருவருமே சமூக அக்கறை கொண்டவர்கள். அவர்களை முந்தைய படத்தை பார்த்தால் அது தெரியும். சமீபத்தில் வெற்றிமாறன் தயாரித்த பேட் கேர்ள் படத்தின் டீசர் வந்தபோது, அதற்கும் எதிர்ப்புகள் கிளம்பியது. ஒரு படத்தை எடுப்பது படைப்பாளியின் சுதந்திரம். தவறாக இருந்தால் சென்சார் அதை நீக்கும். அதையும் மீறி வந்தாலும், தங்களுக்கு பிடிக்காவிட்டால் மக்கள் அந்த படத்தை புறக்கணிப்பார்கள். ஆரம்பத்திலேயே எதிர்ப்பது தவறு’’ தவறு என்கிறது.
ராஜூமுருகன் இயக்கிய மை லார்ட் படத்தில் குரு சோமசுந்தரம் , ஆஷா சரத் , இயக்குநர் கோபி நயினார், வசுமித்ரா உள்ளிட்ட பலர் நடிக்கிறார்கள். நீரவ் ஷா ஒளிப்பதிவு செய்ய யுகபாரதி பாடல்களை எழுத, ஷான் ரோல்டன் இசையமைக்கிறார். ஒரு வலுவான படக்குழு படத்தில் பணியாற்றியுள்ளது. அவர்கள் த வறான காட்சிகளை வைக்கமாட்டார்கள் என்று படக்குழுவும் சொல்கிறது. ஆனாலும், ராஜூமுருகன் இப்படி செய்யலாமா என்று நெட்டில் விவாதங்கள் நடக்கின்றன. சினிமாவில் ஹீரோ புகை பிடிப்பதே தவறு. அதனால் பலர் கெட்டுப்போகிறார்கள். தம் அடிக்க கற்றுக்கொள்கிறார்கள். அதனால், முன்னணி ஹீரோக்கள் புகைப்பிடிக்கும் காட்சிகளில் நடித்தால், அந்த போட்டோ வந்தால் எதிர்ப்பு கிளம்புகிறது.
