மகிழ்திருமேனி இயக்கும் விடா முயற்சி திரைப்படத்தின் வேலைகள் இன்னும் பத்து நாட்களில் முடிய இருக்கிறது. அதன் பிறகுதான் சென்னை திரும்ப இருக்கிறது படக்குழு. நினைத்த நாளுக்குள் படம் முடிக்கப்பட்டாமல் இழுப்பது அஜித்திற்கு வருத்தமாம். இதனால் விரைந்து முடிக்கச் சொல்லி தயாரிப்பு தரப்பில் அழுத்தம் கொடுக்கப்பட்டிருக்கிறது. அஜித்திற்கு அடுத்த படத்திற்கான கெட்டப் பற்றியும், அதன் கதாபாத்திர வடிவமைப்பையும் யோசிக்க வேண்டும் என்பதால் இந்த நெருக்கடி.
ஆதிக் ரவிச்சந்திரன் குட் பேட் அக்லி படத்தின் இயக்குனர் ஆதிக் ரசிச்சந்திரன் திரைக்கதையை செதுக்கும் பணியில் ஈடுபட்டிருக்கிறார்.. இவர் இதற்கு முன்பு எடுத்த அன்பானவன் அடங்காதவன் அசராதவன் பல்வேறு விமர்சனங்களை சந்தித்தது. படமும் எதிர்பார்த்த அளவுக்கு ஓடவில்லை. அதுமட்டுமல்லாமல் தயாரிப்பாலருக்கு பெரிய இழப்பை ஏற்படுத்தியது. இந்த இழப்பிலிருந்து அவரால் மீள முடியாமல் தயாரிப்பாளர்கள் சங்கம் வரைக்கும் புகாரை எடுத்துச் சென்றார். இது பல்வேறு சலசலப்பை ஏற்படுத்தியது. ஆனால் இயக்குனரோ, படம் நான் நினைத்தது போல எடுக்கப்படவில்லை. பாதி படத்தை கதாநாயகன் சிலம்பரசனே இயக்கினார் என்ற ஆதங்கத்தை வெளிப்படுத்தியதாக ஒரு கருத்து உலவியது. அப்படியானால் முழு கதையும் ஆதிக் நினைத்த கதை இல்லை அதனால்தான் படம் சரியாக ரசிகர்கள் மத்தியில் போய் சேரவில்லை என்ற குற்றசாட்டை பலரும் வைத்தார்கள்.
இந்த படத்தின் பாதிப்பு சிம்புவை பல நாள் தூங்கவிடாமல் செய்தது.
சிலம்பரசனும் பல மாதங்கள் இந்த பிரச்சனையிலிருந்து வெளிவந்துவிட வேண்டும் என்று பல முயற்சிகள் எடுத்தார். கடந்த சில வாரங்களுக்கு முன்புதான் சில உத்தரவாதங்கள் கொடுத்து சமரசம் செய்யப்பட்டது. சிம்பு நடித்த அந்தப்படத்திற்காக எழுதப்பட்ட கதையின் ஒரு பகுதியைத்தான் இப்போது அஜித் படத்திற்காக லேசாக மாற்றியமித்திருக்கிறார் என்று சொல்லப்படுகிறது, இதனால்தான் அன்பானவன் அசராதவவன் அடங்காதவன் என்ற டைட்டிலை ஓட்டி குட் பேட் அக்லி என்று வைத்திருப்பதாக படக்குழுவினர் மத்தியில் பேச்சு அடிபடுகிறது. திரையுலகில் ஒரு நடிகருக்கு ரசிகராக இன்னொரு நடிகர் தன்னை காட்டிக் கொள்ள மாட்டார். ஆனால் சிலம்பரசன் தான் ஒரு அஜித்தின் ரசிகர் என்பதை பல இடங்களில் வெளிப்படுத்தியிருக்கிறார். தன் படங்களிலும் காட்டியிருக்கிறார். ஆனால் இப்போது சிம்புவுக்கு எழுதிய கதையில் அஜித்தே நடிக்கவிருப்பதுதான் திரையுலகில் ஏற்பட்டிருக்கும் திடீர் திருப்பம்.
