’கத்திரிக்காய் முத்தினா ஃபுட் ஸ்டாலுக்கு வந்துதான் ஆகணும்’ என்ற பழமொழி கோலிவுட்டில் ஏதாவது ஒரு ஜோடிக்கு இடையில் ’ஐயோ பத்திகிச்சு,,, என்று முணுமுணுக்கப்படும் தருணங்களில் பயன்படுத்தப்படும் ஒரு டெம்ப்ளேட்.

அதாவது ஒரு நடிகருக்கும், நடிகைக்கும் இடையே ஒரு புரிதல் ஏற்பட்டு. அவர்கள் இருவரும் காதலில் மூழ்கி திளைத்து இருந்தாலும், அதை மரியாதை நிமித்தமாக, நாசூக்காக நட்பு என்று குறிப்பிடும் சமயங்களில் பயன்படுத்தப்படும் பழமொழி என்றே சொல்லலாம்.

ஸ்நேகா – பிரசன்னா, கெளதம் கார்த்திக் – மஞ்சிமா மோகன் என பல ஜோடிகளை இந்த லிஸ்ட்டில் சேர்க்கலாம். இவர்கள் காதலை பற்றி ஊடகங்கள் தம்பட்டம் அடித்தாலும் கூட கொஞ்சம் கூட அசராமல் மறுத்துவிட்டு, பிறகு எந்தவித சலனமும் இல்லாமல் கல்யாண அழைப்பிதழை மீடியாவிடம் நீட்டுவது வழக்கம்.

இப்போது அந்த லிஸ்ட்டின் ஆர்.ஏ.சி- கோட்டாவில் காத்திருக்கும் ஜோடியாக சித்தார்த்தும், அதிதி ராவ் ஹயாத்ரி [Aditi Rao Hydari] ஜோடி சேர்ந்திருக்கிறது. மேலும் இவர்கள் இருவரும் வெகு சீக்கிரமே கன்ஃபர்ம் பட்டிலியலில் சேர தயாராக இருக்கிறார்கள் என்கிறது கோலிவுட் வட்டாரம்.

சித்தார்த்தும், அதிதி ராவும் அடிக்கடி ஜோடியாக தென்படுகிறார்கள். ஒரே காரில் பயணிக்கிறார்கள். ரெஸ்டாரண்ட்டில் ஒன்றாக டின்னர் சாப்பிடுகிறார்கள். இப்படி எக்கச்சக்கமான பேப்பராஸி மேட்டர்கள் கிளம்பியிருக்கின்றன.

அனாலும் இவர்கள் இருவரும் வழக்கம் போல் வாயைத் திறக்க வில்லை. அதாவது காதலா என்று ஊர்ஜிதப்படுத்தவில்லை.

இந்நிலையில் இருவரும் சொந்த காசில் சூன்யம் வைத்தது போல சிக்கலில் சிக்கி கமெண்ட்களுக்கு ஆளாகி இருக்கிறார்கள்.

சமாச்சாரம் இதுதான். சமீபத்தில் இவர்கள் இருவரும் வெளியிட்ட புகைப்படங்களில் இருவரும் அணிந்திருக்கும் ரவுண்ட் நெக் பனியன்களில் ஒரே மாதிரியான டிசைன் மற்றும் ஒரே வாசகம் [‘Dougue’ sweatshirts] இடம்பெற்றிருந்தது. இது தற்போது சலசலப்பைக் கிளப்பியிருக்கிறது.

ஏற்கனவே இவர்கள் இருவரும் ஒன்றாக தென்படுவதைப் பற்றி பல செய்திகளும் கிசுகிசுக்களும் கிளம்பியிருக்கின்றன. இதையெல்லாம் பார்த்துதான் இப்போது பரபரப்பாகி இருக்கிறது.

போகிற போக்கைப் பார்த்தால் ஏற்கனவே குறிப்பிட்ட காதல் ஜோடிகள் பட்டியலில் இந்த ஜோடியும் சேர வாய்ப்புகள் ரொம்ப அதிகம் இருக்கிறது என்று கோலிவுட்டில் குறிப்பிடுகிறார்கள்.

மங்காத்தா பாணியில் அர்ஜூனை வளைத்துப் போட்ட லோகேஷ்

அஜித் சினிமா பயணத்தில் ‘மங்காத்தா’ படம் ஒரு திருப்பு முனை. அதில் அர்ஜுன் தூள் கிளப்பி இருப்பார்.

இந்நிலையில் மீண்டும் அர்ஜூன் பெயர் களத்தில் அதிகம் அடிப்பட ஆரம்பித்திருக்கிறது

அதாகப்பட்டது என்னவென்றால்…..

லோகேஷ் கனகராஜின் சினிமாட்டிக் யுனிவர்ஸ் என்ற கான்செப்ட் தற்போது அளவுக்கு எல்லை மீறி கொண்டாடப்பட்டு வருகிறது.

அதற்கேற்றவகையில் விஜய்67 படத்தில் நடக்கும் சம்பவங்கள் மும்பையில் நடப்பது போல வடிவமைக்கப்பட்டிருக்கிறதாம். அதேபோல் பட த்தில் நடிக்கும் முக்கிய நட்சத்திரங்களுக்கு செமத்தியான சம்பளம் முடிவு செய்யப்பட்டிருக்கிறதாம்,
இந்த சுழ்நிலையில் விஜய் நடிக்கும் படத்தில், மங்காத்தா வெற்றி சென்டிமெண்ட்டை கொண்டாடு வகையில் ஆக்‌ஷன் கிங் அர்ஜுனை நடிக்க வைக்கும் திட்டமும் இருக்கிறதாம்.

அர்ஜூன் ஆரம்பத்தில் தயங்க. 5 கோடி சம்பளம் என்று லோகேஷ் தரப்பு கூற மங்காத்தா நடிகர் தற்போது விஜய் படத்தில் ஜோடி சேர்ந்திருக்கிறார் என்கிறார்கள்.

கூடுதல் தகவல் என்னவென்றால், இப்படம் ஏறக்குறைய 200 கோடி பட்ஜெட்டில் தயாராக இருக்கிறது என்கிறார்கள். ஜனவரி 2023-ல் இப்படத்தின் ஷூட்டிங் காஷ்மீரில் ஆரம்பிக்க இருப்பதாகவும் செய்திகள் வெளியாகி ஆரம்பித்திருக்கின்றன.

சிம்பு சுழற்றும் சிலம்பு

சமீப காலமாக படவாய்ப்புகள் இல்லாமலும், கிடைத்த வாய்ப்புகளை சரி வர பயன்படுத்தாமலும் இருக்கும் ஒரே நடிகர் என்றால் அது சிம்புதான் என்று தமிழ் சினிமாவில் படம் பார்க்கும் குட்டி குழந்தை கூட சொல்லும்.

திறமை இருந்தும் அதை வீணடிக்கும் நட்சத்திர பட்டியலில் சிம்புவுக்கென்று ஒரு நிரந்தர இடமிருக்கிறது.

இப்படியொரு கமெண்ட்டும், கிண்டலும் இருக்கும் நிலையில், சிம்புவுக்கு தற்காப்பு கலையின் மீது ஒரு ஈர்ப்பு உண்டாகி இருப்பதாக தெரிகிறது.

மாஸ்டர் பட கதாநாயகி மாளவி மோகனன் சுழற்றிக்கொண்டு இருக்கும் சிலம்பத்தைப் போலவே தற்காப்பு கலையில் சிம்பு பிஸியாக இருப்பதாக அவருக்கு நெருங்கிய வட்டாரம் தெரிவிக்கிறது.

படங்கள் அதிகம் கமிட் ஆகாத சூழ்நிலையில் கையில் இருக்கும் ஒரே படமான ‘ பத்து தல’ ஷூட்டிங்கில் பிஸியாக இருக்கும் சிம்பு, அடுத்ததாக இயக்குநர் ஏ.ஆர். முருகதாஸ் இயக்கத்தில் ஒரு சூப்பர் ஹீரோ கதையில் நடிக்க இருப்பதாக தகவல்கள் கசிய ஆரம்பித்திருக்கின்றன.