No menu items!

தங்கம் விலை அதிரடி ஏற்​ற​ம்!

தங்கம் விலை அதிரடி ஏற்​ற​ம்!

சென்​னை​யில் ஆபரணத் தங்​கத்​தின் விலை நேற்று பவுனுக்கு ரூ.600 உயர்ந்​து, ரூ.89,600-க்கு விற்​பனை செய்​யப்​பட்​டது. ஓரிரு நாளில் ரூ.90 ஆயிரத்தை தொடும் என்று நகை வியா​பாரி​கள் தெரி​வித்​தனர்.

சர்​வ​தேச பொருளா​தார நில​வரத்​துக்கு ஏற்ப தங்​கம் விலை​யில் ஏற்​ற​மும் இறக்​க​மும் இருந்து வரு​கிறது. இதன் அடிப்​படை​யில், செப்​.6-ம் தேதி ரூ.80,040 ஆக இருந்த ஒரு பவுன் ஆபரணத் தங்​கம் செப்​.23-ம் தேதி ரூ.85,120 ஆக உயர்ந்​தது. எச்​1பி விசா கட்​ட​ணத்தை அமெரிக்க அரசு உயர்த்​தி​யது. அமெரிக்க டாலருக்கு நிக​ரான இந்​திய ரூபாய் மதிப்பு வீழ்ச்சி ஆகியவை தங்​கம் விலை உயர்​வுக்கு முக்​கியக் காரண​மாக அமைந்​தது. இதன்​பிறகு, ஓரிரு நாட்​கள் இறக்​க​மாக​வும், பெரும்​பாலான நாட்​கள் ஏற்​ற​மாக​வும் இருந்து வந்த நிலை​யில், நேற்று முன்​தினம் பவுன் தங்​கம் ரூ.89 ஆயிரத்தை தொட்​டது.

இதன் தொடர்ச்​சி​யாக, ஆபரணத் தங்​கத்​தின் விலை நேற்​றும் பவுனுக்கு ரூ.600 உயர்ந்​து, ரூ.89,600-க்கு விற்​பனை செய்​யப்​பட்​டது. ஒரு கிராம் தங்​கம் ரூ.75 உயர்ந்து ரூ.11,200-க்கு விற்​பனை செய்​யப்​பட்​டது. 24 காரட் தங்​கம் ரூ.97,744 ஆக இருந்​தது. இது​போல, வெள்ளி விலை​யில் மாற்​றமின்​றி, ஒரு கிராம் வெள்ளி ரூ.167 ஆகவும், ஒரு கிலோ வெள்ளி ரூ.1.67 லட்​ச​மாக​வும் இருந்​தது.

செப்​.28-ம் தேதி ஒரு பவுன் தங்​கம் ரூ.85,120 ஆக இருந்​தது. இது, அக்​.7-ம் தேதி ரூ.89,600 ஆக உயர்ந்​துள்​ளது. இதன் மூல​மாக, 9 நாட்​களில் பவுனுக்கு ரூ.4,480 உயர்ந்​துள்​ளது. தங்​கம் விலை ஓரிரு நாளில் ரூ.90 ஆயிரத்தை தொடும் என்று நகை வி​யா​பாரி​கள்​ தெரி​வித்​தனர்​.

LEAVE A REPLY

Please enter your comment!
Please enter your name here

Wow அப்டேட்ஸ்

spot_img

வாவ் ஹிட்ஸ்

- Advertisement - spot_img

You might also like...