nayanthara beyond the fairy tale (நயன்தாரா பியாண்ட் தி ஃபேரி டெயில்) – நெட்பிளிக்ஸ்
ஒட்டுமொத்த தமிழ்நாட்டையே திரும்பிப் பார்க்கவைத்த பெருமை நயன்தாராவின் திருமணத்துக்கு உண்டு. அந்த திருமணத்துடன், திரையுலகில் நயன்தாராவின் வளர்ச்சி, அவர் சந்தித்த சிக்கல்கள், தடைகளை தாண்டிய விதம் என பல்வேறு விஷயங்களை சேர்த்து nayanthara beyond the fairy tale என்ற பெயரில் டாக்குமெண்டரியாக்கி இருக்கிறது நெட்பிளிக்ஸ்.
நயன்தாரா, விக்னேஷ் சிவன் பேட்டியுடன், திரையுலகில் நயனை அறிமுகப்படுத்திய சத்யன் அந்திக்காடு, தமிழ் திரையுலகில் அவரை அறிமுகப்படுத்திய கவிதாலயா நிறுவனத்தைச் சேர்ந்த புஷ்பா கந்தசாமி, பில்லா படத்தில் முதலில் கவர்ச்சியாக நடிக்கவைத்த இயக்குநர் விஷ்ணுவர்த்தன், நாகார்ஜுனா போன்றோரின் பேட்டியும் இதில் உள்ளது.
நயன்தாராவின் திருமணம் சார்ந்த டாக்குமெண்டரி என்றாலும், திருமணக் காட்சிகள் அவ்வளவாக இல்லாதது ஒரு சிறு குறையாக இருக்கிறது.
Kishkindha Kaandam (கிஷ்கிந்தா காண்டம் – மலையாளம்) – டிஸ்னி ஹாட்ஸ்டார்
தீஜித் அய்யத்தான் இயக்கத்தில் ஆசிப் அலி, அபர்ணா பாலமுரளி, விஜயராகவன் உள்ளிட்டோர் நடித்த கிங்கிந்தா காண்டம் திரைப்படம் டிஸ்னி ஹாட்ஸ்டார் ஓடிடியில் வெளியாகி உள்ளது.
அடர்ந்த காட்டுக்குள் தனியாக ஒரு வீடு. அந்த வீட்டில் ஒரு அப்பா, மகன், மருமகள். அவர்கள் வீட்டில் காணாமல் போகும் துப்பாக்கி. அதன் பின்னால் இருக்கும் மர்மம் என்று கதை நகர்கிறது. படத்தின் ஹீரோ ஆசிப் அலியாக இருந்தாலும், படம் முடியும் போது அப்பு பிள்ளை கேரக்டர்தான் முக்கியமாக இருக்கிறது. அவரைப் பற்றி மர்ம முடிச்சுக்கள் ஒவ்வொன்றாக அவிழும் போது பிரமிப்பாக இருக்கிறது.
சஸ்பென்ஸ் த்ரில்லர் கதைகளை விரும்புபவர்களுக்கு ஏற்ற கதை இது.
ப்ளாக் (தமிழ் திரைப்படம்) – அமேசான் ப்ரைம்
பாலசுப்பிரமணி இயக்கத்தில் ஜீவா, பிரியா பவானி சங்கர் நடித்துள்ள ப்ளாக் திரைப்படம் அமேசான் ப்ரைம் ஓடிடியில் வெளியாகி உள்ளது.
மென்பொருள் நிறுவனம் ஒன்றில் பணியாற்றும் ஜீவா, தனது மனைவி பிரியா பவானி சங்கருடன் புதிதாக
வாங்கியிருக்கும் கடற்கரை வில்லாவுக்கு விடுமுறைக்காகச் செல்கிறார். ஆட்கள் யாருமற்ற அந்த வில்லாவில், சில அமானுஷ்யமான சில விஷயங்கள் அடுக்கடுக்காக நடக்கின்றன.
