புராண இதிகாசங்களை திரைப்படங்களாக்க பெரிய திரையில் பார்க்கும் போது சிறியவர்களுக்கு மட்டும் அல்ல பெரியவர்களுக்கும் ஒரு புது வித ஆர்வம் ஏற்படுவது இயல்பானது. அப்படி ஹம்போலா தயாரிப்பு நிறுவனம் மல்டி லாங்குவேஜ்களில் நரசிம்மா அவதாரத்தை அனிமேஷனில் கொண்டு வந்திருக்கும் படமே மகா அவதார் நரசிம்மா.
மகரிஷி காஷ்யப் மாலையில் செய்யும் வழிபாட்டுடன் கதை தொடங்குகிறது. முனிவர் காஷ்யபரின் மனைவிகளில் ஒருவரான திதி, ஒரு மகனைப் பெற வேண்டும் என்ற தனது வலுவான விருப்பத்தை வெளிப்படுத்தி, ஒரு துரதிர்ஷ்டவசமான நேரத்தில் ஆசைக்கு சரணடைந்து, அத்தகைய இணைப்பு அசுர சந்ததிகளுக்கு வழிவகுக்கும் என்ற அவரது எச்சரிக்கையை புறக்கணித்து விடுகிறார்.
அவளுடைய குழந்தைகள் ஹிரண்யாக்ஷன் மற்றும் ஹிரன்யகஷிபு, விஷ்ணுவை வதம் செய்ய சுக்ராச்சாரியாரால் பயிற்சி பெற்ற இரக்கமற்ற அசுரர்களாக வளர்கிறார்கள். இந்த இரண்டு அசுரர்களால் அதிகரித்து வரும் அட்டூழியங்கள் மற்றும் தெய்வீக சக்திகளுடன் அவர்களின் போராட்டத்துடன் கதை முன்னேறுகிறது. தேவர்கள், முனிவர்கள் மற்றும் மக்கள் மீது நிகழ்த்தப்பட்ட அட்டூழியங்களால் கோபமடைந்த மகா விஷ்ணு, வராஹ அவதாரத்தில் பூமா தேவியை பாதாள உலகத்திற்கு அழைத்துச் சென்ற ஹிரண்யாக்ஷனைக் கொல்கிறார்.
இதனால், ஹிரண்யகசிபுவின் கோபம் ஆழமடைந்து, பிரம்மாவின் வரத்தின் மூலம் மனிதன், மிருகம், பகல் அல்லது இரவு ஆகியவற்றால் மரணத்திற்கு ஆளாகாத அழியா வரம் பெறுகிறார். ஆனால், ஹிரண்யகஷியப்பின் மகன் பிரஹ்லாதன் விஷ்ணுவின் அர்ப்பணிப்புள்ள தீவிர பக்தராக உள்ளான், தந்தைக்கும் மகனுக்கும் இடையே அசுரனா அல்லது மகாவிஷ்ணுவா என்ற ஈகோவின் கடுமையான மோதலைத் தூண்டுகிறான்.
மகா விஷ்ணு மீது பிரஹ்லாதனின் அசைக்க முடியாத பக்தியால் ஹிரண்யகசிப்புவை வீழ்த்துவதற்கு நரசிம்மனின் வருகையை நோக்கி கதை நகர்கிறது. அடுத்து, பாதி மனிதனும் சிங்கமும் கொண்ட இரட்டை வடிவமான அசாதாரணமான மற்றும் கரடுமுரடான சிங்கமான நரசிம்ம அவதாரத்தில் தன்னைக் கடவுளாகக் கருதத் தொடங்கிய பிரஹ்லாதனின் தந்தை ஹிரண்யகஷியப்பை அழிக்கிறார்.
தமிழில் பக்த பிரகாலதன் என்ற பெயரில் பல ஆண்டுகளுக்கு முன்பே முன்னணி நடிகர்கள் நடித்து நாம் தெரிந்து கொண்ட படம். இப்போது முழுக்க முழுக்க அனிமேஷனில் தயாராகியிருக்கிறது. இதனை மிக பிரமாண்டமாகவும், தொழில் நுட்பத்தின் உதவியோடு தயாரிப்பாளர்களின் கற்பனை திறனுக்கு தீனி போடும் விதமாகவும் அமைந்திருந்திருக்கிறது.
அனிமேஷன் என்றவுடன் ஏனோ தானோ என்று இல்லாமல் மிகவும் நேர்த்தியாகவும் சிறப்பாகவும் வடிவமைத்து ஒவ்வொரு கதாபாத்திரத்தையும் ரசிக்கும்படி செய்திருக்கிறார்கள். அரண்மனை, மலைகள், தேவலோகம், அரக்கர்கள், தேவர்கள் என்று நம் கண் முன் நடமாடுவது ரசிக்கும்படி இருக்கிறது. இந்த தலைமுறையினருக்கு என்றாலும் அதையும் நேர்த்தியாக பெரியவர்களும் ரசிக்கும் செய்திருப்பதுதான் படத்தின் பெரிய பலம்.
நரசிம்மராக மாறி வதம் செய்யும் கட்டம் பிரமிப்பாக இருக்கிறது. நல்ல கலர், இசை, வசனம் எல்லாமே தரமான தன்மையும் இருப்பதால் மீண்டும் ஒரு முறை பார்க்க வைக்கும்.
