ஆஸ்கர் விருதுக்கு திரைப்படங்களை தேர்வு செய்யும் குழுவில் உறுப்பினராக இணைய நடிகர் கமல்ஹாசன் உள்பட 534 பேருக்கு அழைப்பு விடுக்கப்பட்டுள்ளது.

ஆஸ்​கர் அகாடமி விருதுகள் வழங்​கும் விழா, அடுத்த ஆண்டு மார்ச் 15-ம் தேதி நடை​பெறுகிறது. விருது பரிந்​துரைகளுக்​கான வாக்​களிப்​பு, ஜன. 12 முதல் 16 வரை நடை​பெறும். பரிந்​துரைகள், ஜன. 22-ல் அதி​காரப்​பூர்​வ​மாக அறிவிக்​கப்​படும்.

இந்​நிலை​யில், விருதுக்​கான தேர்​வுக்​குழு​வில் இடம்​பெறு​வதற்கு கமல்​ஹாசனுக்கு ஆஸ்​கர் விருது குழு, அழைப்பு விடுத்​துள்​ளது. மேலும் இந்​தி​யா​வில் இருந்து இந்தி நடிகர் ஆயுஷ்மன் குராணா, ‘காஸ்​டிங்’ இயக்​குநர் கரண் மாலி, ஒளிப்​ப​தி​வாளர் ரனபீர் தாஸ், ஆடை வடிவ​மைப்​பாளர் மாக்​ஸிமா பாசு, ஆவணப்பட இயக்குநர் ஸ்மிருதி முந்த்​ரா, இயக்​குநர் பாயல் கபாடியா ஆகியோ​ருக்​கும் அழைப்பு விடுக்​கப்​பட்​டுள்​ளது.

உலகள​வில் 534 திரைக்​கலைஞர்​களுக்கு இந்த அழைப்பு விடுக்​கப் பட்​டுள்​ளது. இவர்​கள் அனை​வரும் இந்த அழைப்பை ஏற்​றுக்​கொண்​டால் ஆஸ்​கர் குழு உறுப்​பினர்​களின் எண்​ணிக்​கை 11,120 ஆகவும்​ அதில்​ வாக்​களிக்​கும்​ உரிமை பெற்றவர்​களின்​ எண்​ணிக்​கை 10,143-ஆகவும்​ உயரும்​. ஆஸ்​கர்​ அகாட​மி​யில்​ உறுப்பினர்​ ஆவதற்​கு அழைக்​கப்​படுவது ​திரைத்​துறை​யில்​ கவுரவமாகக் கருதப்படுகிறது.

இந்த நிலையில் முதல்வர் ஸ்டாலின் கமல்ஹாசனுக்கு வாழ்த்து தெரிவித்துள்ளார். இது தொடர்பாக தனது எக்ஸ் தளத்தில் ஸ்டாலின் கூறியிருப்பதாவது:-

உலக அளவில் திரைத்துறையின் உச்சபட்ச விருதாகக் கருதப்படும் ஆஸ்கர் விருதுக்கான குழுவில் இணைய அழைப்பினைப் பெற்றிருக்கும் அன்பு நண்பர் – கலைஞானி கமல்ஹாசனுக்கு என் வாழ்த்துகள்! மொழி – தேச எல்லைகளைக் கடந்து திரைத்துறையினர் மீது தாங்கள் செலுத்திய பெரும் தாக்கத்துக்கான தாமதமான அங்கீகாரமே இது. இன்னும் பல தேடி வரும் உயரம் தங்களுடையது! என்று ஸ்டாலின் வாழ்த்து தெரிவித்துள்ளார்.