டிராகன் படத்தில் ஹீரோயினாக நடித்து, இப்போது தமிழகம் முழுக்க இளசுகளால் கொண்டாடப்படுபவர் கயாடு லோஹர். கடந்த சில வாரங்களாக சோஷியல் மீடியாவில் கயாடுவின் போட்டோ, வீடியோ, ரிலீஸ் அதிகமாக பகிரப்படுகிறது.

அவர் பேட்டிகள், சினிமா, கல்லுாரி விழாக்களில் அவர் ஆடிய டான்ஸ் பலரால் விரும்பி பார்க்கப்படுகிறது. தமிழகத்தில் பல கல்லுாரி நிர்வாகள் அவரை பேச, ஆட அழைக்கிறார்கள். பல நிகழ்ச்சிகளுக்கு செல்ல முடியாதபடி அவர் பிஸி.

சமீபத்தில் எந்த ஹீரோயினுக்கும் இப்படியொரு வரவேற்பு இல்லை. அசாம் மாநிலத்தை சேர்ந்தவர் கயாடு லோஹர். இப்போது புனேவில் வசிக்கிறார். முதலில் மாடலிங் செய்து கொண்டிருந்தவர் பின்னர், கன்னடம், மலையாளம், மராத்தி படங்களில் நடித்தார். டிராகன் அவர் நடிப்பில் வெளியான முதல் தமிழ்ப்படும். இப்போது அதர்வா ஜோடியாக இதயம்முரளி படத்தில் நடித்து வருகிறார். மலையாளத்தில் நிவின் பாலியுடன் ஒரு படம் பண்ணிக்கொண்டிருக்கிறார். சிம்புவின் அடுத்த படத்திலும் ஹீரோயினாக ஒப்பந்தம் ஆகியிருக்கிறார். இன்னும் பல ஹீரோக்கள் அவருடன் டூயட் பாட ஆசைப்படுகிறார்கள்.

தமிழ்சினிமாவில் நயன்தாரா, திரிஷா ஆகியோர் வயது 40 தாண்டிவிட்டது. தமன்னா, ஹன்சிகா போன்றவர்கள் வெளி மொழிக்கு சென்றுவிட்டார்கள். கயாடுக்கு வயது 24. யூத் ஆக இருப்பதால், பலரால் அதிகம் விரும்பப்படுகிறார். அவரின் சின்ன, சின்ன டான்ஸ் அசைவுகள், பேச்சு பலருக்கு பிடிக்க, அவரை கொண்டாடுகிறார்கள். இத்தனைக்கும் அவருக்கு தமிழ் சரவர பேச தெரியாது. ஆனாலும், தமிழ்சினிமாவும், ரசிகர்களும் அவரை விரும்புகிறார்கள்.

இன்னும் சில ஆண்டுகளுக்கு தமிழில் மட்டுமல்ல, தெ ன்னிந்திய சினிமாவிலும் கயாடு பீவர் இருக்கும் என சொல்லப்படுகிறது