நயன்தாரா தமிழ் சினிமாவில் ஒரு கதாநாயகனுக்கு இருக்கும் முக்கிய இடத்தைப் போல தன்னுடைய அடையாளத்தை மாற்றிக் கொண்டிருக்கிறார். தற்போது தமிழ் இந்தி என்று பல படங்களில் நடிக்க ஒத்துக் கொண்டிருக்கும் நயன் தன்னை ஒரு தொழிலதிபராகவும் மாற்றி வருவது எத்தனை பேருக்கு தெரியும். திருமணத்திற்கு முன்பே துபாயில் தன்னுடைய உறவினர்கள் சிலரின் பொறுப்பில் ஒரு பெரிய தொழிலில் முதலீடு செய்திருந்தார். அது இப்போதும் நல்லபடியாக போய்க்கொண்டிருக்கிறது.
அங்கேயே லிப் பாம் என்ற பெயரில் லிப்ஸ்டிக் நிறுவனத்தை தொடங்கினார். அதுவும் தற்போது வெற்றிகரமாக நடந்து கொண்டிருக்கிறது. இதற்கான வியாபாரம் ஆன் லைனில் தொடர்ந்து வருகிறது. மும்பையில் இருக்கும் சினிமா நட்சத்திரங்கள், தொழிலதிபர்கள் என்று பலருக்கும் இந்த லிப்பாம் நல்ல அறிமுகம். இதே அழகு சாதன பொருட்களை தரமானதாக கொடுக்க 9ஸ்கின் என்ற பெயரில் முகப்பொழிவு க்ரீம், இன்னும் சில பொருட்கள் என்று விற்பனையை நடத்தி வருகிறார். பெமி 9 என்ற பெயரில் இவரது நாப்கின் வியாபாரத்தில் பெரிய முன்னேற்றம் உண்டாகியிருக்கிறதாம். இதனால் அதன் எல்லைகள் விரிந்து இப்போது அண்டை மாநிலங்களிலும் கிளை பரப்பியிருக்கிறது என்கிறார்கள்.
அதே போல டிவைன் புட்ஸ் என்ற பெயரில் உணவுப் பொருட்கள்களை சப்ளை செய்யும் நிறுவனத்தில் தனது முதலீட்டை செலுத்தியுள்ளார். இதில் தரமான, ஆரோக்கியமான உணவுகளை விற்பனை செய்து வருகிறார்கள். இதுதவிர விக்கி பிலிக்ஸ், டார்க் டேலண்ட், கார்பன் மெட்ராஸ், கிரியேட் வெர்ஸ் போன்ற நிறுவனங்களிலும் நடிகை நயன்தாரா முதலீடு செய்து இருக்கிறார். இதிலெல்லாம் அவருக்கு ஊறுதுணையாக இருப்பது தைரோகேர் நிறுவனத்தின் முன்னாள் உரிமையாளர் வேலுமணி தான் என்ற தகவலும் உண்டு.
இந்த பிஸினஸ் கொடுத்த வெற்றி அடுத்தடுத்து புதிய தொழில்களைத் தொடங்க அவர் நண்பர்களின் ஆலோசனையை பெற்றிருக்கிறார்.
ஏற்கனவே ரவுடி பிக்சர்ஸ் என்ற பட நிறுவனத்தை ஆரம்பித்து திரைப்படங்கள் தயாரிப்பிலும், அதை வாங்கி வெளியிடுவதிலும் லாபம் சம்பாதித்து வருகிறார். நயன் தாராவின் எந்த யோசனைக்கும் விக்னேஷ் சிவன் தடை சொன்னதே இல்லை. அதை எப்படி நடை முறை படுத்துவது என்பதில் மட்டுமே கவனம் செலுத்துவார். இந்த உற்சாகம் நயன் தாராவை அடுத்தடுத்த தொழில்களை தொடங்க வைத்திருக்கிறது.
சமீபத்தில் தனது அடுத்த படங்களின் தேதிகளின்படி நடிக்க தயாராவது குறித்து விக்னேஷ் சிவனிடம் ஆலோசனை செய்ததாக தெரிகிறது. இதில் இந்தி படத்திலும் தமிழ் படத்திலும் ஒரே நேரத்தில் நடிக்க இருக்கிறார் நயன். குழந்தைகளை வளர்ப்பதற்காக பல படங்களின் படப்பிடிப்புகளையும் தள்ளி வைத்திருந்தார். சில படங்களில் நடிக்காமல் தவிர்த்து விட்டார். இப்போது குழந்தைகள் முகம் பார்த்து சிரித்து வளர்கிறார்கள். இந்த நேரத்தில் விக்னேஷ் சிவனின் அம்மாவும் உறவுக்காரர்களும் வீட்டில் இருந்து குழந்தைகளைகள கவனித்துக் கொள்ள சென்னையிலேயே தங்கியிருக்கிறார்கள்.
இது நயன் தாராவுக்கு பெரிய ஆதரவாக இருக்கிறது. அதனால் அடுத்த ஆண்டு முக்கிய படங்கள் நயன் தாராவுக்கு வெளியாக இருக்கிறது.
